பிரசன்னம் என்றால் என்ன?

ஏன், எதற்காக பிரசன்னம்?

பொதுவாக ஜனன கால ஜாதகம் என்பது ஒரு குழந்தை பிறந்த நேரத்தின் போது வான்மண்டலத்தில் உள்ள நவகிரகங்களின் நிலையைக் கொண்டு கணிதம் செய்யப்படுவதாகும். இந்த ஜாதகத்தில் உள்ள விதி என்கிற கொடுப்பினை மூலமாக அந்த ஜாதகர் தன் வாழ்நாளில் அனுபவிக்க கூடிய நல்ல தீய பலன்களையும், மதி என்கிற தசாபுத்திகள் மூலமாக அந்த பலன்கள் எப்போது நடைபெறும் என்பதையும் தெரிந்து கொள்ளலாம்.

ஆனால் ஜனன கால ஜாதகமே இல்லாதவர்களுக்கும், பிறந்த நேர குறிப்புக்களில் குழப்பம் உள்ளவர்களுக்கும் பிரசன்னம் என்பது ஒரு மிகப்பெரிய வரப்பிரசாதம். ஜாதகமே இல்லை என்றாலும், வாழ்க்கையில் எழும் பல வகையான பிரச்சனைகளுக்கும், சில முக்கிய முடிவுகள் எடுப்பது சம்பந்தமான கேள்விகளுக்கும், பிரசன்னம் மூலம் மிக எளிதாக தீர்வு காண முடியும்.

ஜாதகம் உள்ளவர்களுக்கும் பிரசன்னம் ஏன் அவசியம்?

தற்சமயம் உத்தியோகத்தில் இருக்கும் ஒரு வாடிக்கையாளர், தான் இருக்கும் வேலையை விட்டு சொந்த தொழிலில் இறங்கலாமா என்று கேட்பதாக வைத்துக்கொள்வோம். ஜோதிடத்தில் 6-ம் பாவம் உத்தியோகத்தையும், 7-ம் பாவம் சொந்த தொழிலையும் குறிக்கும். இவ்விரு பாவங்களில் எது 2, 4, 6, 10 போன்ற புறம் சார்ந்த பாவங்களை தொடர்பு கொண்டு வலுவாக இருக்கின்றதோ, அது சம்பந்தப்பட்ட துறையில் இருப்பதே சிறந்தது.

எப்போது பிரசன்னம் தேவைப்படும்?

மிக மிக குறுகிய கால இடைவெளியில் அரங்கேறும் சம்பவங்களை, அல்லது ஒரே நாளில் நடக்கும் சம்பவங்களை, ஜனன ஜாதகத்தில் உள்ள விதி மற்றும் மதியை கொண்டு நிர்ணயம் செய்வது சற்று கடினமான காரியம். இது போன்ற சூழல்களில் வாடிக்கையாளர்களால் அடிக்கடி கேட்கப்படும் சில யதார்த்தமான கேள்விகள் கீழே:

இது போன்று இன்னும் நிறைய கேள்விகளுக்கு பிரசன்னம் மூலம் மிக எளிதாகவும், துல்லியமாகவும் தீர்வு காண முடியும்.